Encántanos pasar tempo cos nosos afillados e cos pequenos do cole en xeral. Seguro que xa o sabíades!
Eles están inmersos nun proxecto para mellorar o seu patio de xogos (pois está bastante velliño) e pedíronnos axuda para facer unhas actividades este luns... Nós encantados!
Dividíronse en catro grupos e foron rotando por catro obradoiros.
No obradoiro de móbiles eles pintaron madeiras de deriva e nós, cunha corda e unhas boliñas de madeira, démoslle forma de móbil para colgar nas árbores.
Como estes móbiles trataban de estimular o oído, pois engadímoslle elementos sonoros (tubos, cascabeis...). Quedaron así de bonitos!
No obradoiro de circuitos tiñamos que axudarlles a deseñar pistas de atletismo (mesmo con obstáculos), circuitos para coches e circuitos para rodas. Teñen tanta imaxinación! Hay STOP, rotondas, aparcadoiros...
Tamén fixeron dous obradoiros eles soíños, un para pintar pedras e cunchas que van esconder como tesouros e outro para facer figuriñas de arcilla que colgar máis tarde dos móbiles.
Aquí vos deixamos un resumo de fotos para que vexades a actividade completa. Pasámolo ben, traballamos codo con codo todo xuntos, botamos a andar a creatividade e gozamos dun día de sol estupendo!
No hay comentarios:
Publicar un comentario