martes, 5 de febrero de 2019

DÍA DA PAZ


Este ano conmemoramos o día da Paz co grupo de danza Africana "Mbolo Mooye Dooléa".

Gozamos escoitando os sons de distintos instrumentos e bailando ao ritmo de músicas típicas do Senegal.


"Un momento da actuación"

MINERAIS FLUORESCENTES


A fosforencia é a luminiscencia que presentan certos corpos ao seren expostos á luz ou a outras radiacións.

Comprobamos a fluorescencia dalgúns minerais baixo o efecto da luz ultravioleta.

Javier, amosounos a súa colección de rochas e minerais e puidemos observar as distintas cores que emiten.


Grazas Javier, pola túa colaboración!

miércoles, 28 de noviembre de 2018

XOGOS POPULARES


       O martes tivemos unha Xornada de Xogos Populares e Tradicionais no colexio.
     
       Formamos grupos con nenos e nenas de diferentes cursos e practicamos os xogos dos nosos avós e das nosas avoas. Que interesante!

       Xogamos á Mariola, ao sete e medio, ao tres en raia, aos castelos de carozos, á ra, ao pano, saltamos á corda ...

       Algúns dos maiores explicaron as normas dalgúns xogos e axudaron aos máis pequenos a saltar, a contar, a tirar as chapas ...

       Non só resultou unha xornada de convivencia entre o alumnado dos distintos grupos, senón tamén unha actividade lúdica que nos permitiu xogar do mesmo xeito que o facían os avós e as avoas.

     
Que ben o pasamos!






viernes, 9 de noviembre de 2018

APRENDENDO OS MINERAIS E AS ROCHAS


       
       O venres recibimos a visita de Bea, a “mamá” de Ivo, que é profesora de Bioloxía e Xeoloxía en Secundaria.

       Con ela aprendemos moitos minerais  como: a oxidiana, a pirita, a magnetita… ademais de repasar as súas propiedades: brillo,dureza,etc. Tamén puidemos comparar as diferenzas entre os distintos tipos de rochas: sedimentarias, volcánicas e magmáticas.

       Tivemos a oportunidade de poder manipulalos, observando entre outras cousas as distintas cores e formas,comprobar como flota a pedra pómez e incluso probar algún.

       Agradecemos a colaboración de Bea con esta exposición tan interesante.



                                                           "mineral cristalizado"






martes, 6 de noviembre de 2018

APRENDENDO OS ÓSOS


        Este luns, visitounos Marta a "mamá "de Helena que traballa como matrona e sabe moitas cousas dos ósos.

       Amosounos as pezas que compoñen o esqueleto, a maioría delas reais. Tamén nos indicou os puntos de unión entre os ósos e como se forman as articulacións. Ao mesmo tempo fomos identificandoos no noso  corpo e  realizando os movementos propios das articulacións.

       Aprendemos moito vocabulario novo: silla turca, atlas, axis, agujero magno, hueso sacro... e outras curiosidades.

       Agradecemos a colaboración de Marta nesta experiencia tan enriquecedora.


"Cranio humano"