Esta semana está dando para moito!
O luns, traballo cooperativo cos afillados; o martes, xornada de educación vial; e hoxe... excursión!
Primeiro fomos visitar a planta embotelladora de auga de AGUASANA, onde José Luis nos explicou todos e cada un dos procesos que se realizan na fábrica para obter as botellas que mercamos no supermercado.
Ás portas da fábrica, felices de estar de excursión. |
Vimos as máquinas que dan forma ás botellas (con calor e aire a presión); despois observamos como se enchían de auga e como se colocaba o tapón; a continuación o etiquetado; e finalmente o empaquetado para o seu transporte.
Moi atentos a todo o que nos contaban... |
Gustounos moito polo amables que foron, por todo o que aprendemos e porque non todos os días un ten que poñerse un traxe especial para entrar nun lugar especial ;)
Déronnos un traxe para entrar (pois é un lugar no que hai que extremar a hixiene). |
Tras a visita, fomos a Praia América. Alí merendamos, recollimos lixo e gozamos da auga e da area. Encántanos pasar estes ratos xuntos!
No hay comentarios:
Publicar un comentario