Encántanos esta excursión! Agardamos con ganas por ela dende que comeza o curso... por iso de ser a primeira e porque lle temos un cariño moi especial a este Monte Galiñeiro que vive preto de nós.
Tanto os alumnos de 3º coma os de 4º subimos camiñando, pois un pouquiño de exercicio para comezar a mañá sempre é bo.
Esta vez variamos un chisco o percorrido habitual para visitar a Igrexa románica de Santa Mariña e coñecer un pouco máis o patrimonio que temos preto.
Fomos tamén observando a fermosa vida das beiras da senda: flores de todas as cores, fentos, musgo, piñeiros e eucaliptos, alghuna que outra seta...
Ao chegar arriba, como é costume, adicámonos a facer cabanas, asar castañas, merendar cos compañeiros, correr e xogar libres... Dá gusto ver o felices que somos ao aire libre.
Chagamos extenuados ao cole, pero pagou a pena!
Aquí vos deixamos unhas fotos de todos...
No hay comentarios:
Publicar un comentario