O pasado xoves, día 25 de maio, visitamos a exposición " Imaxinar a educación. 50 anos con Frato" no Pazo da cultura de Pontevedra.
Francesco Tonucci é un investigador e pedagogo italiano que realiza debuxos con humor e imaxinación e emprega o pseudónimo de "Frato".
As súas viñetas reflicten, sempre desde a perspectiva das nenas e dos nenos, os erros e as contradicións da educación nas sociedades urbanas e desenvolvidas.
A exposición é unha oportunidade para mostrar a intelixencia e creatividade da infancia, a súa capacidade para aprender e construír.
Iniciamos a visita observando as viñetas de Frato. Algunhas eran orixinais e estaban escritas en italiano.
A seguir, vimos debuxos do autor, obxectos e instrumentos de traballo, vídeos, fotos, letras, etc
Unha das paredes estaba chea de fotografías de mans. Trátase dunha homenaxe " Cen mans, cen liguaxes" e a monitora falounos das" mans da experiencia". Parecían as máns dos avós e das avoas.
Había talleres onde construímos, exploramos e xogamos. E, para rematar, estivemos no espazo de reflexión, debate, participación ...
Merendamos no exterior. Gustounos moito!
Visita ao Pazo de Cultura en Pontevedra
No hay comentarios:
Publicar un comentario