PROXECTO REVITALIZA

     O venres estivemos a investigar que bechos viven na terra da horta e nos restos da composteira. A simple vista parece que non están pero se observamos con  coidado podemos ver moitos  seres que viven transformando os restos vexetais e alimentarios en compost para a nosa horta. Con axuda das lupas e dos microscopios puidemos visualizar moitas características destes seres vivos.

    Antón, o monitor do Programa  Revitaliza, amosounos moitos dos bechos que viven na terra e falounos da importancia que ten a actividade que realizan. 

Preme na imaxe para visualizar a montaxe.

      

É moi interesante investigar sobre os animais que viven na composteira.

   

OS ANIMAIS DA COMPOSTEIRA

     Estivemos a traballar sobre os animais e descubrimos que na composteira viven moitos invertebrados. Son seres vivos moi pequenos e as veces  difíciles de atopar xa que se esconden e se protexen do exterior.

    Entre eles encontramos miñocas, arañas, bechos bola, vermes ... e aproveitando o Proxecto Revitaliza, recibimos no centro un monitor encargado de amosar os distintos tipos de animais que viven na composteira e a función importantísima que realizan preparando a terra e descompoñendo os restos orgánicos.

    Empregamos lupas binoculares, lupas sinxelas e así puidemos observar algunhas das características destes seres vivos.

Que interesante!

Premer na imaxe para visualizar a montaxe!