Non chas quero, non chas quero, castañas do teu magosto ... Que boas as castañas no Monte Galiñeiro!
E non só foron as castañas senón a andaina dende o cole ao Merendeiro e a construción das cabañas!
Merendamos xuntos e xogamos en grupos. Estivemos con todo o alumnado do colexio e pasámolo moi ben.
Un ano máis realizamos a festa das castañas no Monte Galiñeiro. O alumnado maior subimos camiñando. Fomos por atallos e volvemos por camiños preto da estrada que nos leva ao merendeiro, pero como di o refrán:" Non hai atallo sen traballo!" E vaia se deu traballo pero ao final fomos quen de chegar para facer as cabañas, merendar, descansar e por suposto degustar as castaña asadas. Que ricas estaban!
Día de Magosto no monte e experiencia moi satisfactoria para as nenas e os nenos que este ano, por vez primeira, subiron ao Galiñeiro camiñando.
O tempo permitiunos amosar a nosa creatividade e construímos "cabañas" con paus para gardar as mochilas. Cubrímoslas con fentos e pequenas pólas de piñeiros e carballos. Quedaron espectaculares!
Este ano tivemos que xogar separados e os grupos de clase estaban en parcelas diferentes, pero uns ao lado dos outros.
Despois da dura andaina, merenda na panasqueira, construción de pequenas chozas con paus e degustación das castañas asadas chegou o momento de recoller e volver ao cole.
Que rápido pasou a mañán! Que boas estaban as castañas!
