CHARLA SOBRE HIXIENE BUCODENTAL

     Os venres, día 25 de outubro e día 8 de novembro, recibimos a visita das alumnas de 2º curso de    Hixiene bucodental do  Centro Fillas de María Inmaculada de Vigo. Estas cinco estudantes, Paula  Cabañas Díaz, Teresa Lorenzo Pazo, Raquel Porto Portomeñe, Paula Fraiz Fernández e Tania Mª Garrido Fernández foron as encargadas da realización dunha actividade tan interesante e necesaria para manter e conservar en bo estado as nosas pezas dentarias.

     Explicáronnos que una boa hixiene bucodental precisa de hábitos de cepillado, emprego de fío dental, enxaugues e visitas periódicas ao dentista e hixienista bucal. Sen deixar de lado o control da inxesta de alimentos ricos en azucre como os doces, as bebidas con gas … que provocan moitas enfermidades nos nosos dentes.

     Tamén nos falaron sobre a placa bacteriana, o sarro, a xenxivite e a carie dental, problemas ocasionados na maioría dos casos por unha incorrecta ou insuficiente hixiene bucal.
     Os xogos e as actividades realizadas resultaron moi divertidas e aprendemos moito!

Grazas por facer que fose divertido!

Charla hixiene bucodental