OBRADOIRO SOBRE MICROPLÁSTICOS

    Esta semana realizamos un taller sobre os microplásticos que están presentes cada vez máis nas nosas praias, montes, ríos, areais ...

    Non se trata só de casos illados senón de diminutos restos descompostos que van pasando aos animais e ás plantas e moitas veces non se poden ver a simple vista. Empregamos lupas e microscopios para comprobar que están aí e de nós depende frear e/ou reducir o seu efecto.

    O monitor do obradoiro explicounos como eses anaquiños tan pequenos de plásticos fúndense coa calor do sol e quedan engadidos ás areas da praia, ríos ...

    Tamén non dixo como podemos reducir o consumo de plástico e falounos da correcta reciclaxe.

Imos tratar de reducir o consumo de plásticos e reciclar correctamente!!!

BO NADAL PARA TOD@S!

     As nenas e os nenos do segundo ciclo desexámosvos unhas felices festas e un moi bo aninovo!

Esperamos que os Reis Magos traian moitos agasallos e que poidamos gozar uns días c@s amig@s e coa familia.

Seguindo coa tradición destas datas, no colexio, celebramos a entrada do Nadal   co Festival de Panxoliñas e a visita do Apalpador. 

Ao subir as aulas atopamos unha sorpresa:  xogos de aula variados!!! 

     

Premer na imaxe para visualizar o Festival das Panxoliñas!

LENDAS NO CAMIÑO

    Xa expuxemos o noso Proxecto sobre as Lendas no Camiño. Traballamos arreo en obradoiros interciclos buscando información sobre o Camiño Portugués pola costa, as lendas que se coñecen en distintos lugares, as características dos peregrinos ...

    Preparamos unhas entrevistas para realizar en Santa Maria de Oia, na Ramallosa e no traxecto que iamos percorrer pola costa pero ao non poder realizar a saída por mor do tempo, choivas abundantes e ventos fortes, non quedou outra que realizar as entrevistas nós mesmos. Ao final resultou moi divertido e pasámolo ben. Só nos queda facer a excursión cando veña o bo tempo!!!

Premer na imaxe para visualizar a montaxe!

 A lenda da Virxe do Mar, Santa María de Oia

Premer na imaxe para visualizar a montaxe!

A lenda da ponte de Ramallosa

Premer na imaxe para visualizar a montaxe!

Peregrinos

É a seguir chocolate para tod@s!!!

DECLARACIÓN DOS DEREITOS DO NENO

     O día 20 de novembro celebramos o aniversario da Declaración dos Dereitos do Neno. Nas aulas de terceiro e cuarto de primaria buscamos imaxes significativas e realizamos un mural comparando as distintas situacións que están a vivir moitos nenos e nenas no mundo a día de hoxe. 

    Pensamos que é moi inxusto que haxa pobos que non teñen alimentos, medicamentos, auga, igualdade entre homes e mulleres, nenos e nenas... 

Traballaremos por un mundo máis xusto e con menos diferenzas!!!

MAGOSTO 2025

     Este martes, 18 de novembro, festexamos O Magosto no colexio. Por mor do tempo e moitas choivas nos días anteriores, tivemos que realizar a actividade no centro. Botamos de menos non poder subir ao Galiñeiro, non obstante, gozamos dunha xornada de convivencia.

Premer na imaxe para visualizar a festa do Magosto!