XESTIÓN DO MONTE CON GANDO EN EXTENSIVO

     O mércores, día 19 de marzo, Jose Taboada deunos unha charla sobre os animais que están no monte  e amosounos unha montaxe sobre "As razas autótonas como xeradoras de espazos resistentes ao lume".

    Explicounos a necesidade de manter o monte limpo e tratar de facelo de xeito natural con gando autóctono na Serra do Galiñeiro. Díxonos que nestes momentos hai vacas de raza cachena e cabras da terra.

    O curioso é que o pastoreo será virtual e estamos invitados a subir ao monte para ver os animais. Tamén temos que poñer o nome a un macho de cabra de cinco anos e a unha toura de raza cachena.

   

A xestión feita no monte parécenos moi importante. Só nos queda dar as grazas a Jose por o seu traballo e pola invitación a visitar as zonas dedicadas ao pastoreo.

                   

HORTALIZAS E HERBAS AROMÁTICAS

       Xa iniciamos as tarefas no horto. Plantamos varios tipos de  hortalizas no invernadoiro: pementos, tomates, leitugas, kale, brócoli ...  arrincamos as malas herbas nos bancais do interior e algunhas no exterior. Tamén imos plantar aromáticas e ornamentais. Despois de preparar o terreo plantamos as  hortalizas, regamos e recollemos as ferramentas de traballo. 

Pouquiño a pouco creamos o noso horto!

ENTROIDO 2025

     Este ano celebramos o Entroido no cole representando as distintas Delegacións Olímpicas das parroquias do Concello de Gondomar.

    Ao noso ciclo correspondéronllen as Delegacións de Vincios e de Borreiros. Creamos unha bandeira identificativa de cada parroquia e fixemos complementos para desfilar.

    Unha vez no patio, na pista de baloncesto, fomos pasando a "Antorcha olímpica" e finalmente a nosa mascota  acendeu o "Pebeteiro".

                                                                                       

  Quedan inaugurados os Xogos Olímpicos 2025!

Ánimo e sorte para tod@s @s participantes!

Picar aquí para visualizar a montaxe!

DÍA MUNDIAL DAS ENFERMIDADES RARAS

     O 28 de febreiro celébrase o Día Mundial das Enfermidades Raras. A este grupo pertence a HSC, hiperplasia suprerrenal conxénita, un trastorno metabólico, herdado e permanente que orixina a deficiencia de produción de hormonas nas glándulas suprarrenais.

    Iria, a nosa compañeira, é unha campioa en responsabilidade á hora de tomar a medicación e de facer que a súa enfermidade inflúa o menos posible o día a día na escola.         

    Ánimo Iria, eres unha litadora!

"Iria na portería de hockey do HC Cíes"

                                                                                       

        

DÍA DE ROSALÍA

     O 23 de febreiro celebramos o aniversario da nosa poetisa Rosalía de Castro. No cole recitamos algúns dos seus fermosos poemas e fixemos marcapáxinas e taumatropos con imaxes dalgunha das súas  publicacións. Quedaron moi bonitos e cos marcapáxinas agasallamos aos nenos e ás nenas que viñeron recitar ao corrunchiño de Rosalía.

    Parabéns Rosalía e grazas por escribir nunha lingua tan fermosa! 

      

Parece unha rosa!

Unha cantareira máis!